Թվայնացումն այսօր խոշոր արդյունաբերությունների շարժիչ ուժն է, սակայն տեխնոլոգիական առաջընթացին զուգահեռ աճում են նաև տեղեկատվական անվտանգության մարտահրավերները։
Ոլորտի առաջատար Զանգեզուրի պղնձամոլիբդենային կոմբինատը արտադրական ու վարչական ողջ գործընթացի թվայնացմանը զուգահեռ ներդնում է արդիական լուծումներ թվային համակարգերի հուսալիությունն ու տվյալների պաշտպանությունը բարձրացնելու նպատակով։
Ընկերությունը ներդնում է տեղեկատվական անվտանգության միջազգային ստանդարտը՝ ISO 27001-ը, որը տեղեկատվական անվտանգության կառավարման համակարգերի ստեղծման, ներդրման, պահպանման և շարունակական բարելավման պահանջները սահմանող ստանդարտ է։
ԶՊՄԿ-ն նման նախաձեռնությամբ ոչ միայն ամրապնդում է իր կիբերդիմակայունությունը ժամանակակից սպառնալիքների նկատմամբ, այլև ապահովում է արտադրական և բիզնես գործընթացների անխափան ու կայուն առաջընթացը։
Մանրամասները՝ տեսանյութում.
