ԾԱՂԿԱՁՈՐ, 16-Ը ՀՈԿՏԵՄԲԵՐԻ – NEWS.AM։ Հայաստանում անհրաժեշտ է փոխել պետության և ընդերքօգտագործողների միջև փոխհարաբերությունների փիլիսոփայությունը։ Այս մասին հայտարարել է Զանգեզուրի պղնձամոլիբդենային կոմբինատի գլխավոր տնօրեն Ռոման Խուդոլին՝ ելույթ ունենալով «Mining Armenia Forum 2026» ոլորտային համաժողովում։
Նրա խոսքով՝ առանց հստակ ձևակերպված և հետևողականորեն կիրառվող օրենքների, որոնք պաշտպանում են ներդրողների իրավունքները, հանքարդյունաբերությունը կշարունակի մնալ ներկայիս վիճակում։
Ռ.Խուդոլին ընդգծել է, որ հանքարդյունաբերության ոլորտում հարաբերություններում միշտ կա երկու կողմ՝ պետությունը և ընդերքօգտագործողը։ Նրա կարծիքով՝ լուրջ առաջընթացի քայլ կարող է լինել ֆինանսական մոտեցումից անցումը ինստիտուցիոնալ մոտեցման, որի դեպքում կողմերի միջև հարաբերությունները կկառուցվեն հստակ կանոնների և պարտավորությունների հիման վրա։ «Պետք է լինի կողմերի հստակ պատասխանատվություն։ Պատասխանատվությունը չի կարող դրված լինել միայն ընդերքօգտագործողի վրա», - նշել է նա։
Մանրամասները՝ հետևյալ հղումով`
https://news.am/hy/video/1068401