Կառավարում
Արդյունավետ կառավարումը կենսական նշանակություն ունի ԶՊՄԿ-ի համար, քանի որ նպաստում է արտադրողականության և շահութաբերության բարձրացմանը։
Քաղաքականություն
«ԶՊՄԿ» ՓԲԸ ԿԱՌԱՎԱՐՈՒՄ
«Զանգեզուրի պղնձամոլիբդենային կոմբինատ» փակ բաժնետիրական ընկերությունը (այսուհետ՝ Ընկերություն) հանդիսանում է իրավաբանական անձ և իր գործունեությունն իրականացնում է Հայաստանի Հանրապետության օրենսդրության համաձայն:
Ընկերությունը շահագործում է Քաջարանի պղնձամոլիբդենային հանքավայրը: Ընկերության գործունեության առանցքը պղնձի և մոլիբդենի հանքաքարի արդյունահանումն ու հարստացումն է։
Ընկերությունը ստեղծվել է ՀՀ արդյունաբերության և առևտրի նախարարության 09․12․1997թ․ N 262 հրամանով «Զանգեզուրի պղնձամոլիբդենային կոմբինատ» պետական ձեռնարկության վերակազմավորման միջոցով և հանդիսանում է «Զանգեզուրի պղնձամոլիբդենային կոմբինատ» պետական ձեռնարկության իրավահաջորդը։ Ընկերությունը գործում է ՀՀ, ք. Քաջարան, 3309, Լեռնագործների 18 հասցեում։
Ընկերության կառավարման բարձրագույն մարմինը Ընկերության Բաժնետերերի ընդհանուր ժողովն է։ Ընկերությունն ունի Տնօրենների խորհուրդ, որն իրականացնում է Ընկերության գործունեության ընդհանուր կառավարումը։ Ընկերության ընթացիկ գործունեության ղեկավարումն իրականացնում է միանձնյա գործադիր մարմինը՝ Գլխավոր տնօրենը։
Իրական շահառուների վերաբերյալ հայտարարագիր
Ընթացակարգեր
Կորպորատիվ վարքագծի կանոններ
Զանգեզուրի պղնձամոլիբդենայինը հետևողական է էթիկայի, մասնագիտական և իրավական չափանիշներին համապատասխան գործելու հարցում: Աշխատանքային բոլոր հարթակներում մենք պարտավորություն ենք ստանձնել բարեխճորեն պահպանել կորպորատիվ կառավարման կանոնները: Ընկերությունը հստակորեն սահմանում է ընթացակարգեր՝ իր կառավարման համակարգում դրական արդյունքներ ապահովելու համար։
