Զանգեզուրի պղնձամոլիբդենային կոմբինատը համընդհանուր թվայնացման գործընթացի շրջանակում իրականացնում է «Թվային հուսալիություն» նախագիծը, որի գլխավոր նպատակն է բարձրացնել շահագործվող մեխանիզմների ու սարքավորումների արդյունավետությունը, իսկ նորոգման ծառայությունների աշխատանքը դարձնել նպատակային, պլանավորված և կառավարելի:
Նոր նախագծով «հետևանքները վերացնելու» մոդելը փոխարինվելու է «կանխարգելման» մոդելի։
Նախագիծը կօգնի կրճատել վթարային պարապուրդները, նվազեցնել նորոգումների տևողությունը, բարձրացնել աշխատանքների և գնումների պլանավորման որակը, նվազեցնել փաստաթղթաշրջանառության ծավալը, ապահովել արտադրության կայուն ընթացքը։
Համակարգը թույլ է տալու ստեղծել միասնական թվային տարածք, որտեղ յուրաքանչյուր սարքավորում կունենա իր «թվային անձնագիրը», որում կարձանագրվեն նորոգման պատմությունը, անսարքությունների պատճառները և դրանց վերացմանն ուղղված միջոցառումները։
