Զանգեզուրի պղնձամոլիբդենային կոմբինատը ներկայացրել է 2025 թվականի կայուն զարգացման հաշվետվությունը՝ ամփոփելով իրականացված աշխատանքներն ու արդյունքները, Ընկերության զարգացման օրակարգը ձևավորող փոփոխությունները։
ԶՊՄԿ-ն հինգերորդ տարին անընդմեջ հետևողականորեն կազմում է կայուն զարգացման հաշվետվություն, որն արդեն երրորդ անգամ անցնում է նաև արտաքին աուդիտ։ Սա բացառիկ ցուցանիշ է Հայաստանում։
Առաջին անգամ իրականացվել է կրկնակի էականության գնահատում (DMA). միաժամանակ գնահատվել է, թե կայուն զարգացման չափանիշներն ինչպես են ազդում Ընկերության գործունեության վրա, և հակառակը՝ ինչ ազդեցություն ունի Ընկերության գործունեությունը շրջակա միջավայրի ու համայնքների վրա։
ԶՊՄԿ-ն Հայաստանում առաջինն է, որ իրականացրել է TNFD շրջանակին համապատասխան գնահատում՝ ուսումնասիրելով բնության հետ կապված ազդեցությունները, կախվածությունները, ռիսկերն ու հնարավորությունները. հանքարդյունաբերության ոլորտում բնական ռեսուրսների և էկոհամակարգերի հետ փոխազդեցությունը գործունեության առանցքային բաղադրիչներից է։
Մշակվել է 2026–2040 թվականների կլիմայական փոփոխության ռազմավարություն, ինչը կլիմայական օրակարգը բնապահպանական առանձին նախաձեռնություններից տեղափոխում է երկարաժամկետ բիզնես պլանավորման մակարդակ։
Հաշվետվությունը ներկայացվել է Հայաստանի ազգային պոլիտեխնիկական համալսարանում։
Առավել մանրամասն՝ «Արմենպրեսս» լրատվական գործակալության ռեպորտաժում.
https://www.youtube.com/watch?v=PQj3TlLg6YA
