Զանգեզուրի պղնձամոլիբդենային կոմբինատի գլխավոր տնօրենը՝ Ռոման Խուդոլին, և ղեկավար անձնակազմի ներկայացուցիչներ հանդիպել են աշխատակիցների հետ՝ լսելու նրանց բարձրաձայնած հարցերը, մտահոգություններն ու առաջարկները։ Պոչամբարային տնտեսությունը և Կապանի բազան այս անգամ հերթական շրջայցի կանգառներն էին։
Աշխատակիցների հետ անմիջական շփումն ու նրանց խնդիրներին տեղում ծանոթանալը Ռ.Խուդոլիի աշխատանքային ոճի բաղադրիչներից են։ Այս մոտեցումն արդեն դարձել է ավանդույթ, և աշխատակիցները վստահ են՝ իրենց բարձրաձայնած յուրաքանչյուր հարց լսվում, քննարկվում և, հնարավորության դեպքում, ստանում է լուծում։
