«Զանգեզուրի պղնձամոլիբդենային կոմբինատ» ՓԲԸ-ի կողմից շահագործվող Արծվանիկի պոչամբարում փոխվում է պատվարի ամրաշինական աշխատանքների մեթոդը։
Միջազգային հայտնի ընկերությունները ուսումնասիրել են պոչամբարը, և լայնածավալ մոնիթորինգի արդյունքում ձևավորված առաջարկների հիման վրա ներմուծվել է պատվարի ամրացման նոր մեթոդը։ Հիմքում միջազգային լավագույն փորձն է։
Նոր մոտեցումը թույլ կտա բարձրացնել պատվարի կայունությունն ու սեյսմակայունությունը՝ նվազեցնելով հնարավոր ռիսկերը։ Պատվարի բարձրացման համար անհրաժեշտ քարագրունտային լցանյութը այժմ վերցվում է պոչամբարի տարածքից։ Հետագայում նախատեսվում է լեռնային զանգվածը տեղափոխել Կապան քաղաքի վարչական տարածքից։ Արդյունքում Կապանի վարչական տարածքում կավելանան հարթ տարածքները, որոնք զարգացող քաղաքում մեծ պահանջարկ ունեն։
Նոր մեթոդի արդյունքում պոչանքն ավելի արագ կջրազրկվի։ Հավաքված ջուրը կուղղվի գործող տեխնիկական պոմպակայան փոշենստեցման և կանաչապատ տարածքների ոռոգման նպատակներով։
Հիշեցնենք, որ ՀՀ շրջակա միջավայրի նախարարությունը դրական եզրակացություն է տվել Քաջարանի պղնձամոլիբդենային հանքավայրի օգտակար հանածոյի արդյունահանման նախագծի փոփոխության շրջակա միջավայրի վրա ազդեցության գնահատման հաշվետվությանը։
Մանրամասները՝ տեսանյութում.
