Էներգետիկ անվտանգություն,
ամուր Հայաստան

Հայաստանի էներգետիկ կայունության ապահովման գործընթացում հանքարդյունաբերությունը շարունակում է մնալ առանցքային օղակ՝ միաժամանակ խթանելով երկրի տնտեսական զարգացումը, տեխնոլոգիական առաջընթացն ու էներգետիկ անկախությունը։ Այս համատեքստում «Զանգեզուրի պղնձամոլիբդենային կոմբինատ» ՓԲ ընկերությունը մասնակցեց «Ամուր Հայաստան 2025 – Հայաստանի էներգետիկ անվտանգության բանալին» խորագրով կոնֆերանսին։

Կոնֆերանսի ընթացքում շեշտադրվել է մետաղների համաշխարհային պահանջարկի շարունակական աճի միտումը, որը հիմնականում պայմանավորված է վերականգնվող էներգետիկայի և կանաչ տեխնոլոգիաների դինամիկ զարգացմամբ։

«ԶՊՄԿ» ՓԲԸ-ի գլխավոր տնօրենի առաջին տեղակալ Վարդան Ջհանյանը և «ԶՊՄԿ» ՓԲԸ-ի կայուն զարգացման գծով տնօրեն Արմեն Ստեփանյանը ներկայացրել են Ընկերության՝ ոլորտում իրականացվող ծրագրերն ու էներգիայի փոխակերպման ռազմավարական քայլերը, որոնք միտված են հանքարդյունաբերության արդյունավետության բարձրացմանը, կայուն զարգացման քաղաքականության միջազգային պահանջներին և Հայաստանի էներգետիկ կայունության ամրապնդմանը։

Կոնֆերանսին մասնակցել են ֆինանսական, առևտրային ու խորհրդատվական առաջատար կազմակերպություններ ևս։

Առավել հանգամանորեն հետևյալ հղմամբ՝

https://www.youtube.com/watch?v=WKPc1PIy8Vg&t=2837s