ԶՊՄԿ-ն եւ Կապանի համայնքապետարանը հնգամյա հուշագիր են կնքել

Կապանի համայնքապետարանն ու «Զանգեզուրի պղնձամոլիբդենային կոմբինատ» (ԶՊՄԿ) ՓԲԸ-ի միջեւ ստորագրվել է համագործակցության հուշագիր։

Փաստաթուղթը 5 տարվա համար է նախատեսված, որոնց ընթացքում կողմերը համագործակցելու են տնտեսական, սոցիալական, քաղաքաշինական, կրթական, մշակութային, մարզական եւ այլ ոլորտներում։

ԶՊՄԿ ՓԲԸ գլխավոր տնօրեն Ռոման Խուդոլին եւ Կապանի համայնքապետ Գեւորգ Փարսյանը փաստաթուղթը որակել են ավելի բարձր մակարդակի փոխհարաբերությունների սկիզբ։

«Հուշագրի ստորագրումը բիզնեսի եւ համայնքի միջեւ ճիշտ փոխհարաբերությունների դրսեւորում է։ Մենք բարեգործություն չենք անում, այլ միասին աշխատում ենք յուրաքանչյուրս մեր մասով։ Մեր պարտականություններից է նաեւ սոցիալական պատասխանատվություն ունենալ այն համայնքների նկատմամբ, որտեղ գործունեություն ենք ծավալում։ Մինչ այս էլ աջակցել ենք համայնքին, այսուհետ էլ դրա ծավալները միայն ու միայն կավելանան», - նշել է Ռոման Խուդոլին:

Կապանի համայնքապետ Գեւորգ Փարսյանն իր հերթին, վստահություն է հայտնել, որ «սրանով հիմք ենք դնելու ավելի բարձր մակարդակի համագործակցության»:

https://banks.am/am/news/newsfeed/25828