Զանգեզուրի պղնձամոլիբդենային կոմբինատի համար ազդակիր համայնքների կայուն զարգացումն ու բնակիչների կյանքի որակի բարձրացումն ունեն առաջնահերթ նշանակություն. Ընկերության համար սոցիալական պատասխանատվությունը ոչ թե պարզապես ծրագրեր են, այլ ամենօրյա հոգատարություն Սյունիքի և սյունեցու հանդեպ։
Դեռ 2024 թվականին մեկնարկել էր էներգետիկ լայնածավալ նախագիծ ազդակիր բնակավայրերին էկոլոգիապես մաքուր և խնայողական տեխնոլոգիաներով ապահովելու համար։ Նախագիծն ամբողջությամբ ֆինանսավորում է ԶՊՄԿ-ն՝ հատկացնելով ավելի քան 227 միլիոն ՀՀ դրամ։
Արդյունքում Սյունիք, Սզնակ, Դիցմայրի, Խորձոր և Բարգուշատ բնակավայրերում արդեն տեղադրվել է 273 արևային ֆոտովոլտային կայան և 227 արևային ջրատաքացուցիչ, իսկ Արծվանիկ, Սևաքար, Չափնի, Աճանան և Ըրկենանց բնակավայրերի 51 բազմազավակ ընտանիքների տանիքներին տեղադրվել են արևային ջրատաքացուցիչներ։
Այս նախագիծը էականորեն նվազեցնում է բնակիչների կոմունալ ծախսերը, հեշտացնում կենցաղավարությունն ու հնարավորինս ազատում ծանր հոգսերից։ Առանձին շեշտադրման է արժանի նախագծի բնապահպանական կարևոր նշանակությունը. բնակիչները հրաժարվել են վառելափայտի օգտագործումից՝ օգտվելով մաքուր, անվտանգ և կայուն էներգիայի աղբյուրներից։